நிகழ்ச்சிக்கு, தலைமை ஆசிரியர் ஆரோக்கிய லோஞ்சனஸ் தலைமை தாங்கினார். சிறப்பு அழைப்பாளர் ஊராட்சி தலைவர் தேவகி மனோகர் மாணவர்களுக்கு பட்டம் இதழ் வழங்கி பேசுகையில், 'தினமலர் - பட்டம்' இதழை தினமும் படித்து வந்தால் எதிர்காலத்தில் நீங்கள் ஒரு சிறந்த விஞ்ஞானியாகவும் அல்லது ஒரு மருத்துவராகவும் மாற அதிக வாய்ப்புள்ளது. மேலும், அறிவுத்திறனை மென்மேலும் வளர்த்துக் கொள்ள உதவியாக இருக்கும்' என்றார். ஊராட்சி துணைத் தலைவர் லட்சுமி நன்றி கூறினார்.

கடுவனுார் ஊராட்சி ஒன்றிய நடுநிலைப் பள்ளியில் தலைமை ஆசிரியர் லட்சுமி தலைமை தாங்கினார்.

சிறப்பு அழைப்பாளர் ஊராட்சி தலைவர் ஏழுமலை மாணவர்களுக்கு பட்டம் இதழை வழங்கி பேசுகையில், 'மாணவர்களாகிய நீங்கள், பல அறிய தகவல்களைத் தரும் 'தினமலர் - பட்டம்' இதழை படித்தால் பல்வேறு வகையான தேர்வுகளுக்கு தயாராகலாம்' என்றார்.