கல்வராயன்மலையில் உள்ள ஆரம்பூண்டி பஞ்சாயத்துக்குட்பட்ட பட்டிவளவு, கெடார், மனப்பாச்சி உள்ளிட்ட கிராமங்கள் உள்ளன. இந்த கிராமங்களில் அடிப்படை வசதிகள் செய்யப்படாததை கண்டித்து அப்பகுதி பொதுமக்கள் தேர்தலை புறக்கணிப்பதாக அறிவித்திருந்தனர்.

இந்நிலையில் 303 ஓட்டுகளை கொண்டுள்ள கெடார் ஓட்டுச்சாவடியில் நேற்று பிற்பகல் 2:00 மணி வரை 3 ஓட்டுகள் மட்டுமே பதிவாகி இருந்தது.

இதனை அறிந்த கல்வராயன்மலை தாசில்தார் கோவிந்தன், துணை தாசில்தார் செங்குட்டுவன் மற்றும் ஆர்.ஐ., பாலகிருஷ்ணன் எஸ்.ஐ., மணிகண்டன் ஆகியோர் அப்பகுதி பொதுமக்களிடம் சமாதான பேச்சுவார்த்தை நடத்தினர். அதனைத் தொடர்ந்து மாலை 3:00 மணி முதல் பொதுமக்கள் ஓட்டளிக்க வந்தனர்.