டாக்டர் ஆர்.கே.சண்முகம் கலை அறிவியல் கல்லுாரி வளாகத்தில் இளம் வாக்காளர்கள் முதல் முறையாக ஓட்டளிப்பது தொடர்பாகவும், கல்லுாரி மாணவர்கள் தவறாமல் ஓட்டளித்திடவும், பணம், பரிசுப் பொருட்கள் வாங்காமல் ஓட்டளித்திடவும், விழிப்புணர்வு ஏற்படுத்தப்பட்டது. அதன்படி கல்லுாரி மாணவ மாணவியர்கள் 'என் ஓட்டு விற்பனைக்கு அல்ல', 'தேர்தல் நாளான ஏப்ரல்-19-ஆம் தேதி தவறாமல் ஓட்டளித்திட வேண்டும்' என்பதை வலியுறுத்தி, மவுன மொழி நாடகம் நடத்தி, விழிப்புணர்வு ஏற்படுத்தினர்.

இதில் மாவட்ட சமூக நலத்துறை அலுவலர் தீபிகா, ஆர்.கே.எஸ். கல்லுாரி முதல்வர் மோகனரங்கன், கல்லுாரி துணை முதல்வர் ஜான்விக்டர், பேராசிரியர்கள் மற்றும் மாணவ மாணவியர்கள் கலந்து கொண்டனர்.