கூட்டத்திற்கு, கூட்டமைப்பு தலைவர் ஜெயசங்கர் தலைமை தாங்கினார். செயலாளர் அய்யாதுரை முன்னிலை வகித்தார். பொருளாளர் சின்னசாமி வரவேற்றார். 40க்கும் மேற்பட்ட ஊராட்சி தலைவர்கள் பங்கேற்றனர்.

கூட்டத்தில், தமிழகத்தில் 27 மாவட்டங்களில் உள்ள ஊராட்சி அமைப்புகளின் 5 ஆண்டுகள் பதவிக்காலம் வரும் டிசம்பர் மாதத்துடன் முடிகிறது.

ஆனால் மற்ற 9 மாவட்டங்களில் ஊராட்சி அமைப்புகளின் பதவிக்காலம் 3 ஆண்டுகள் தான் ஆகியுள்ளது.

ஆனால் இந்திய அரசியல் அமைப்பு சட்டம் மற்றும் பஞ்சாயத்து ராஜ் சட்டப்படி, 5 ஆண்டுகள் பதவிக்காலம் இன்னமும் முடிவடையாத 9 மாவட்டத்தில் உள்ள உள்ளாட்சி அமைப்புகளையும் ஒருங்கே கலைத்துவிட்டு, அனைவருக்கும் ஒரே நேரத்தில் தேர்தல் நடத்துவது தமிழக அரசு முடிவெடுத்துள்ளதாக தெரிகிறது.

தமிழக அரசு இந்த முயற்சியை கைவிட வேண்டும். இல்லையெனில், 9 மாவட்ட ஊராட்சி அமைப்புகள் சார்பில் நீதிமன்ற வழக்கு தொடர்வோம் என தீர்மானம் நிறைவேற்றப்பட்டது.