மாவட்ட செயலாளர் ராமன் தலைமை தாங்கினார். மாவட்ட தலைவர் விஜய், பொருளாளர் சிவராமன், மாநில பொருளாளர் கணேசன் முன்னிலை வகித்தனர். முன்னாள் மாநிலத் துணைத் தலைவர் சரவணன் போராட்டத்தை துவக்கி வைத்தார். தொடர்ந்து, போராட்டக்குழுவினர் நான்கு முனை சந்திப்பில் இருந்து மத்திய அரசுக்கு எதிராக கோஷங்களை எழுப்பி, ஊர்வலமாக சென்று, ஸ்டேட் பாங்க்கை முற்றுகையிட்டனர். இந்நிலையில் போராட்டத்தில் ஈடுபட்ட, 32 பேரை இன்ஸ்பெக்டர் பாலகிருஷ்ணன் மற்றும் போலீசார் கைது செய்து தனியார் திருமண மண்டபத்தில் தங்க வைத்தனர். தொடர்ந்து மாலையில் விடுவித்தனர்.