வரஞ்சரம் அடுத்த முகமதியார்பேட்டையைச் சேர்ந்தவர் ஜாபர்அலி மனைவி ஆஷியா பானு, 45; கடந்த, 27ம் தேதி இரவு குடும்பத்தினருடன் துாங்கிக் கொண்டிருந்தார்.

நள்ளிரவு, 2:15 மணியளவில் கதவு திறக்கும் சத்தம் கேட்டு எழுந்து பார்த்தார். அப்போது, வீட்டின் வெளிக்கதவு திறந்திருந்தது.

சந்தேகம் அடைந்தவர், பீரோவை திறந்து பார்த்தபோது, 100 கிராம் கொண்ட வெள்ளிக்கொலுசு திருடு போனது தெரிந்தது. புகாரின் பேரில் வரஞ்சரம் போலீசார் வழக்கு பதிந்து விசாரிக்கின்றனர்.