மாவட்டத்தில் காந்தி ஜெயந்தியையொட்டி நேற்று முன்தினம் டாஸ்மாக் கடைகள் மூடப்பட்டது. இந்நிலையில் கள்ளத்தனமாக மதுபாட்டில்கள் விற்பனை தொடர்பாக போலீசார் பல இடங்களில் சோதனை மேற்கொண்டனர்.

அதில் கள்ளக்குறிச்சி பகுதியில் கள்ளத்தனமாக மதுபாட்டில்கள் விற்பனை செய்த காரனுார் ராஜேந்திரன் மகன் நவீன்குமார்,25; கவிபாரதி,26; வெங்கட்டாம்பேட்டை கணேசன் மகன் ரமேஷ்,40; ஜோகிதர் தெரு ஆறுமுகம்,69; ஆகியோரை போலீசார் கைது செய்தனர்.

அதேபோல் சின்னசேலம் அடுத்த நைனார்பாளையம் டாஸ்மாக் கடை அருகே மதுபாட்டில் விற்பனை செய்த வி.பி., அகரம் சேர்ந்த முருகேசனை,36; போலீசார் கைது செய்தனர்.

மேலும் நேற்று முன்தினம் மாவட்டத்தில் கள்ளத்தனமாக மதுபாட்டில்கள் விற்பனை செய்தது தொடர்பாக மொத்தம் 6 வழக்குகள் பதிந்து 8 பேரை கைது செய்தனர்.