எதிர்ப்பை மீறி கிணறு வெட்டும் பணி தொடர்ந்தது. தரமற்ற வகையில் கட்டப்படுவதாக ஒன்றிய நிர்வாகத்திற்கு பொதுமக்கள் புகார் அளித்தனர். இதனை எல்லாம் கருத்தில் கொள்ளாமல் பணிகள் நடந்து முடிந்தது. இந்நிலையில் கடந்த 24ம் தேதி சிறிய அளவில் பெய்த மழைக்கே கிணற்றின் பாதி பகுதி இடிந்து விழுந்தது. கிணறு பயன்பாட்டிற்கு வராத நிலையில் பொருத்தப்பட்ட மோட்டாரையும் ஊராட்சி நிர்வாகம் ஏற்கனவே அகற்றி இருந்தது. இந்நிலையில் கிணற்றின் மீத பாதியும் சரிந்து விழுந்தது.

பொதுமக்களுக்கு பயனளிக்காத திட்டத்திற்காக பல லட்சம் ரூபாய் மதிப்பில் தரமற்ற வகையில் வெட்டி கட்டப்பட்ட கிணறு இடிந்து விழுந்தது குறித்து உயர்மட்ட விசாரணைக்கு மாவட்ட நிர்வாகம் உத்தரவிட வேண்டும் எனக் கோரி கிராம மக்கள் நேற்று திருக்கோவிலுார் ஆர்.டி.ஓ., வை சந்தித்து மனு அளித்துள்ளனர். இதுபோன்று பல ஊராட்சிகளில் ஒரே குழுவினர் இதுபோன்று கிணறு வெட்டியுள்ளனர் என்பது குறிப்பிடதக்கது.