உளுந்தூர்பேட்டை அருகே பரிக்கல் கிராமத்தை சேர்ந்தவர் லோகநாதன் மகன் ரஞ்சித்குமார், 34; கூலித் தொழிலாளி. இவர், நேற்று முன்தினம் இரவு 9.30 மணியளவில் பரிக்கல் தேசிய நெடுஞ்சாலையில் மொபைல் போனில் பேசியபடி சாலையை கடக்க முயன்றார்.

அப்போது திருநாவலூரில் இருந்து விழுப்புரம் நோக்கி சென்ற ஷிப்ட் டிசையர் கார் மோதி ரஞ்சித்குமார் சம்பவ இடத்திலேயே இறந்தார். தகவலறிந்த போலீசார் சம்பவ இடத்திற்கு விரைந்து ரஞ்சித்குமாரின் உடலை மீட்டு பிரேத பரிசோதனைக்காக உளுந்தூர்பேட்டை அரசு மருத்துவமனைக்கு அனுப்பி வைத்தனர்.

இது குறித்து திருநாவலூர் போலீசார் வழக்கு பதிந்து விசாரணை செய்து வருகின்றனர்.