நேற்று காலை 9:00 மணிக்கு அரவான் யுத்த கோலத்தில் தேர்பவனி நடந்தது. ஏராளமான பக்தர்கள் கலந்து கொண்டு ஆடுகளை பலியிட்டு, தேரை வடம் பிடித்து முக்கிய வீதிகள் வழியாக இழுத்துச் சென்றனர்.

மாலை 5:00 மணிக்கு அரவான் களபலி, இரவு 10:00 மணிக்கு இந்திர விமானத்தில் சுவாமி காட்டுக்குகை கோவிலுக்கு புறப்பட்டுச் செல்லும் வைபவம் நடந்தது. விழாவின் நிறைவாக வரும் 22ம் தேதி மாலை 5:00 மணிக்கு காட்டு கோவிலில் தர்மர் பட்டாபிஷேகம் நடைபெற உள்ளது. விழா ஏற்பாடுகளை தர்மகர்த்தா, நாட்டாமைகள், ஊராட்சி நிர்வாகம் மற்றும் கிராம பொதுமக்கள் இணைந்து செய்திருந்தனர். இதில் திருநங்கைகள் உள்ளிட்ட பக்தர்கள் கலந்து கொண்டனர்.