கள்ளக்குறிச்சி (தனி), ரிஷிவந்தியம் ஆகிய 2 தொகுதிகளை உள்ளடக்கியது தெற்கு மாவட்டம் எனவும், சங்கராபுரம், உளுந்துார்பேட்டை ஆகிய 2 தொகுதிகளை உள்ளடக்கியது வடக்கு மாவட்டம் எனவும் பிரிக்கப்பட்டுள்ளது.

அடுத்த ஆண்டு சட்டசபை தேர்தல் நடைபெற உள்ள நிலையில், நிர்வாகிகளை உற்சாகபடுத்துவதற்காக அவர்களுக்கு பரிசு வழங்கும் பணி தி.மு.க., துவங்கி உள்ளது. தெற்கு மாவட்டத்தில் உள்ள மாவட்ட, ஒன்றிய, நகர இளைஞரணி அமைப்பாளர், துணை அமைப்பாளர்களுக்கு ரூ.1 லட்சம் மதிப்புள்ள ஸ்பிளெண்டர் பிளஸ் பைக்குகளை கடந்த சில தினங்களுக்கு முன் உதயநிதி வழங்கினார்.

இதனை கண்ட வடக்கு மாவட்ட நிர்வாகிகள் தங்களுக்கு இதுபோன்ற பைக் கிடைக்காதா என்று புலம்பி தவித்தனர். இந்நிலையில் வடக்கு மாவட்டத்தில் உள்ள தி.மு.க., இளைஞரணி நிர்வாகிகளுக்கும் விரைவில் பைக் வழங்கப்பட உள்ளது. இதற்காக புதிய பைக்குகள் புக் செய்யப்பட்ட நிலையில், இதை வழங்குவதற்காக இளைஞரணி செயலாளர் உதயநிதியிடம் நேரம் கேட்கப்பட்டுள்ளதாக கட்சி வட்டாரத்தில் கூறப்படுகிறது. இதனால் வடக்கு மாவட்டத்தை சேர்ந்த உடன் பிறப்புகள் 'குஷி'யில் உள்ளனர்.