தியாகதுருகம் அடுத்த பானையங்கால் கிராமத்தைச் சேர்ந்தவர் மாரிமுத்து மகன் ஆறுமுகம், 30; விவசாயி. இதே ஊரைச் சேர்ந்தவர் ஐயப்பன் மகன் அய்யனார், 26; இருவருக்கும் இடையே முன்விரோதம் இருந்து வந்தது. கடந்த 7ம் தேதி அவர்களுக்குள் மீண்டும் தகராறு ஏற்பட்டது.

அப்போது அய்யனார் மற்றும் அவரது ஆதரவாளர்களான வி.புதுார் கோவிந்தசாமி மகன் குமரேசன், 23; சித்தலுார் கோவிந்தராஜ் மகன் ஆதி, 22; ஆகியோர் சேர்ந்து ஆறுமுகத்தை தாக்கி, கொலை மிரட்டல் விடுத்தனர்.

இது குறித்த புகாரின்பேரில், அய்யனார், குமரேசன், ஆதி ஆகியோர் மீது தியாகதுருகம் போலீசார் வழக்குப் பதிந்து விசாரித்து வருகின்றனர்.