கள்ளக்குறிச்சி அடுத்த இந்திலி டாக்டர் ஆர்.கே.சண்முகம் கலை-அறிவியல் கல்லுாரியில் நடந்த நிகழ்ச்சிக்கு கல்லுாரி முதல்வர் மோகனசுந்தர் தலைமை தாங்கினார்.

கல்லுாரி துறை தலைவர்கள் பிரவீனா, சக்திபிருந்தா, நர்கீஸ்பேகம், சித்ராதேவி, நுாலகர் கவுசல்யா முன்னிலை வகித்தனர். நுாலகர் மஞ்சு வரவேற்றார். கள்ளக்குறிச்சி பறவை ஆர்வலர் குயிலி அமைப்பின் நிறுவனர் கீர்த்தி, சிறப்பு விருந்தினராக பங்கேற்று பருவ நிலை மாற்றம் குறித்து விளக்கவுரை வழங்கினார்.

வேலுார் திருவள்ளுவர் பல்கலைக்கழக உதவி பேராசிரியர் ரவிச்சந்திரன், ஊராட்சி தலைவர்கள் இந்திலி தெய்வீகன், மேலுார் கலா சாமிதுரை. சுற்றுச்சூழல் ஆர்வலர் சத்தியமூர்த்தி, வன ஆர்வலர் ரஞ்சிதா, வன பாதுகாவலர் கலைமணி ஆகியோர் கருத்துரை வழங்கினர்.

தொடர்ந்து கல்லுாரி என்.எஸ்.எஸ்., சார்பில் துாய்மைப்பணியும், என்.சி.சி., சார்பில் ஏமப்பேர் பூங்காவில் நடைப்பயிற்சி மூலம் விழிப்புணர்வும் ஏற்படுத்தப்பட்டது. கல்லுாரி துணை முதல்வர் ஜான்விக்டர் நன்றி கூறினார்.