உளுந்தூர்பேட்டை பஸ் நிலையம் அருகே சென்னை சாலையில் 32 வயது மதிக்கத்தக்க போதை ஆசாமி ஒருவர் நேற்று மதியம் 1.50 மணியளவில் திடீரென சாலை யின் நடுவே படுத்து அலம்பலில் ஈடுபட்டார்.

தகவலறிந்த போலீசார் போதை ஆசாமியை அப்புறப்படுத்த போராடினர். ஆனால் முடியவில்லை.

பின்னர் பொதுமக்கள் உதவியுடன் 15நிமிடங்கள் போராட்டத்திற்கு பிறகு, போதை ஆசாமியை அங்கிருந்து அப்புறப்படுத்தினர்.

இதனால் அப்பகுதியில் சிறிது நேரம் போக்குவரத்து பாதித்தது. போதை ஆசாமியின் அலம்பலால் அங்கு பரபரப்பு ஏற்பட்டது.