திருக்குறள் திருவிழாவில், மேலப்பழங்கூர், நுாரோலை, பகண்டைகூட்ரோடு, சித்தால் உட்பட பல்வேறு பகுதிகளை சேர்ந்த 300 மாணவ, மாணவிகள் பங்கேற்று திருக்குறள் ஒப்புவித்தனர். 4 பிரிவுகளாக போட்டி நடந்தது. ஒவ்வொரு பிரிவிலும் தலா 3 பேர் வீதம், நான்கு பிரிவுகளிலும் அதிக எண்ணிக்கையிலான திருக்குறள் ஒப்புவித்தவர்களுக்கு பரிசுத்தொகை மற்றும் சான்றிதழ், திருக்குறள் புத்தகம் வழங்கப்பட்டது. தொடர்ந்து, மேலப்பழங்கூரில் வசிக்கும் 70 வயது மேற்பட்ட முதியவர்களுக்கு சால்வை அணிவித்து, ஊன்றுகோல் வழங்கி கவுரவிக்கப்பட்டது.