கள்ளக்குறிச்சி மாவட்டத்தில் பிப்ரவரி 2024ம் மாதத்திற்கான விவசாயிகள் குறைதீர்க்கும் நாள் கூட்டம் கலெக்டர் அலுவலக கூட்டரங்கில் வரும் 16ம் தேதி காலை 11:00 முதல் பிற்பகல் 2:00 மணி வரை நடக்கிறது.

கலெக்டர் ஷ்ரவன்குமார் தலைமையில், மாவட்ட தோட்டக்கலைத்துறை, வேளாண் விற்பனை, வேளாண் வணிகம், வேளாண் பொறியியல், கால்நடை பராமரிப்பு, கூட்டுறவு, வருவாய், ஊரக வளர்ச்சி-உள்ளாட்சி, வங்கியாளர்கள் மற்றும் பிற சார்பு துறை அலுவலர்கள் கலந்துகொண்டு விவசாயிகளின் குறைகள் மற்றும் கோரிக்கைகளுக்கு பதிலளிக்க உள்ளனர்.

எனவே, கள்ளக்குறிச்சி மாவட்ட விவசாயிகள், விவசாய சங்க பிரதிநிதிகள், தங்களின் பொது கோரிக்கைகள் மற்றும் தனிநபர் குறைகள் குறித்த மனுக்களை நேரடியாக அளித்து பயனடைய வேண்டும் என, கலெக்டர் தெரிவித்துள்ளார்.