கள்ளக்குறிச்சி மாவட்டத்தில் பல்வேறு துறைகளின் மூலம் அரசு நலத்திட்டங்கள் அறிவித்து செயல்படுத்தப்பட்டு வருகிறது. தமிழக அரசின் திட்டங்கள் மற்றும் சாதனைகள் குறித்த புகைப்பட தொகுப்பு கண்காட்சிகள் செய்தி மக்கள் தொடர்புத் துறை சார்பில் நடந்து வருகிறது.

சின்னசேலம் ஒன்றியம், அக்கராயப்பாளையம் பஸ் நிறுத்தம் அருகே அரசின் சாதனைகள் குறித்த புகைப்பட தொகுப்புகள் பொதுமக்களின் பார்வைக்காக காட்சிப்படுத்தப்பட்டது. இதில் மாவட்டத்தில் செயல்படுத்தப்பட்டுள்ள அரசின் திட்டங்கள், அமைச்சர்கள், கலெக்டர் மற்றும் எம்.எல்.ஏ.,க்கள் பங்கேற்ற முக்கிய அரசு நிகழ்வுகள், அரசின் நலத்திட்ட உதவிகள் உள்ளிட்ட புகைப்படங்கள் இடம் பெற்றது. கண்காட்சியை பொதுமக்கள் ஆர்வமுடன் பார்வையிட்டனர்.