சின்னசேலம் பி.டி.ஓ., அலுவலகம் முன் நடந்த ஆர்ப்பாட்டத்திற்கு மாநில செயலாளர் மாரியப்பன் தலைமை தாங்கினார். வட்ட நிர்வாகிகள் சுப்பிரமணியன், பெரியசாமி, மாரிமுத்து முன்னிலை வகித்தனர். மகாத்மா காந்தி 100 நாள் வேலைவாய்ப்பு திட்டத்தில் வேலை செய்த தொழிலாளர்களுக்கு கடந்த 4 மாதங்களாக கூலித்தொகை வழங்கப்படாமல் உள்ளது.

எனவே, கூலித்தொகையை உடனடியாக வழங்க வேண்டும் மற்றும் கோரிக்கைகளை வலியுறுத்தி ஆர்ப்பாட்டம் நடந்தது. இதில், நிர்வாகிகள் பழனி, சன்னியாசி, ஆனந்தி உட்பட பலர் கலந்து கொண்டனர். தொடர்ந்து, பி.டி.ஓ., அலுவலகத்தில் உள்ள அலுவலர்களிடம் மனு அளித்தனர்.