கள்ளக்குறிச்சி, மந்தைவெளியில் மா.கம்யூ., மாநில செயலாளர் சண்முகம், நடைபயணத்தை துவக்கி வைத்து பொதுமக்களிடம் கோரிக்கை தொடர்பான துண்டு பிரசுரங்களை வழங்கினார்.

அதில் வீட்டு வரி, சொத்து, குடிநீர், பாதாள சாக்கடை கட்டண உயர்வுகளை கைவிட வேண்டும்; தேசிய ஊரக வேலை திட்டத்தில் முறைகேடுகள், குறைபாடுகளை களைந்திட வேண்டும்; ரேஷன் கடைகளில் அத்தியாவசிய பொருட்கள் தட்டுபாடின்றி வழங்க வேண்டும்; பெண்கள், குழந்தைகளுக்கு எதிரான பாலியல் வன்கொடுமைகளுக்கு எதிராக கடும் நடவடிக்கை எடுக்க வேண்டும்; என்பன உள்ளிட்ட பல்வேறுகோரிக்கையை வலியுறுத்தினர்.

இதில் வட்ட செயலாளர் ஏழுமலை, மாவட்ட செயலாளர் ஜெய்சங்கர், செயற்குழு உறுப்பினர் சுப்பிரமணியன், மாவட்ட குழு உறுப்பினர்கள் ஸ்டாலின்மணி, அருள்தாஸ், மணி, தனலட்சுமி உள்ளிட்டோர் பங்கேற்றனர்.