சின்னசேலம் சப்இன்ஸ்பெக்டர் மணிகண்டன் மற்றும் போலீசார் நேற்று முன்தினம் இரவு 11.30 மணிக்கு ரோந்து சென்றனர். அந்த வழியாக வந்த டி.என்.88.கே.1879 என்ற பதிவெண் கொண்ட டிப்பர் லாரியை நிறுத்தி சோதனை செய்த போது, 2 யூனிட் கிராவல் மண் இருந்தது.

விசாரணையில் டிப்பர் லாரியை ஓட்டி வந்தவர் பூண்டி கிராமத்தை சேர்ந்த சுப்ரமணி மகன் பிரேம்நாத், 35; அரசு அனுமதியின்றி கிராவல் மண் கடத்தி செல்வது தெரியவந்தது. இதையடுத்து டிப்பர் லாரியை பறிமுதல் செய்து பிரேம்நாத்தை போலீசார் கைது செய்தனர்.