சங்கராபுரம் அடுத்த வடசெட்டியந்தல் கிராமத்தைச் சேர்ந்தவர் கோவிந்தன் மகன் முத்துபாண்டியன். இவருக்கும் எதிர்வீட்டைச் சேர்ந்த அழகேசன், 50; என்பவருக்கும் இடையே முன்விரோதம் இருந்து வருகிறது.

இந்நிலையில் தீபாவளியன்று பட்டாசு வெடித்தது தொடர்பாக இருவருக்குமிடையே மீண்டும் தகராறு ஏற்பட்டது.

இதில், அழகேசன் அவரது மகன் ஆனந்தராஜ், 23; சேர்ந்து முத்து பாண்டியன், தங்கதுரை, சூர்யா, துரை, ரமேஷ், ஆனந்த பாபு ஆகியோரை தாக்கினர்.

காயமடைந்த முத்துபாண்டியன் கள்ளக்குறிச்சி அரசு மருத்துவமனையில் சிகிச்சை சேர்க்கப்பட்டார்.

இது குறித்த புகாரின் பேரில் அழகேசன், 50; அவரது மகன் ஆனந்தராஜ், 23; ஆகியோர் மீது சங்கராபுரம் போலீசார் வழக்குப் பதிந்து இருவரையும் கைது செய்தனர்.