கலெக்டர் பிரசாந்த் வெளியிட்டுள்ள செய்திக்குறிப்பு;

மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் மாதந்தோறும் 3வது வெள்ளிக்கிழமைகளில் சிறிய அளவிலான வேலைவாய்ப்பு முகாம் நடந்து வருகிறது. அதன்படி, வரும் 19ம் தேதி நடைபெற உள்ள வேலைவாய்ப்பு முகாமில், வங்கி, நிதி, வாகன உற்பத்தி, காப்பீடு, சில்லரை விற்பனை உட்பட பல்வேறு முன்னணி நிறுவனங்கள் பங்கேற்று தங்களுக்கு தேவையான நபர்களை தேர்வு செய்ய உள்ளனர்.

10ம் வகுப்பு, ஐ.டி.ஐ., டிப்ளமோ, பி.இ., பி.டெக்., பட்டப்படிப்பு படித்த ஆண், பெண் ஆகியோர் முகாமில் பங்கேற்கலாம். விருப்பமுள்ள நபர்கள் http://www.tnprivatejobs.tn.gov.in என்ற இணையதளத்தில், கேன்டிடேட் லாக் இன் வழியாக தங்களது விபரத்தை பதிவு செய்ய வேண்டும். தனியார் துறைகளில் வேலைவாய்ப்பு பெறுபவர்களின் வேலைவாய்ப்பு பதிவு ரத்து செய்யப்படாது. இவ்வாறு அதில் கூறப்பட்டுள்ளது.