சங்கராபுரம் அடுத்த அரசம்பட்டு கிராமத்தில் ரேஷன் கடை உள்ளது. இந்த கடையை முறையாக திறப்பதில்லை என்ற குற்றச்சாட்டு உள்ளது.

இந்நிலையில், அப்பகுதியைச் சேர்ந்த 50க்கும் மேற்பட்ட பெண்கள் நேற்று மதியம் 12:00 மணியளவில் சங்கராபுரம் - அரசம்பட்டு சாலையில் மறியலில் ஈடுபட்டனர்.

சங்கராபுரம் போலீசார் நேரில் சென்று பேச்சுவார்த்தை நடத்தி, ரேஷன் கடையை திறக்க நடவடிக்கை எடுப்பதாக உறுதியளித்ததைத் தொடர்ந்து, 1:00 மணியளவில் அனைவரும் கலைந்து சென்றனர்.