மூங்கில்துறைப்பட்டு அடுத்த வட பொன்பரப்பி ஊராட்சியில் சில தினங்களாக குடிநீருடன் கழிவு நீர் கலந்து வந்தது. இதுகுறித்து ஊராட்சி நிர்வாகத்திடம் பொதுமக்கள் கூறியும் நிர்வாகம் கண்டு கொள்ளவில்லை.

இதனால், ஆத்திரமடைந்த அப்பகுதி மக்கள் நேற்று மாலை 6:00 மணியளவில் பஸ் நிலையம் முன் சாலை மறியலில் ஈடுபட்டனர்.

தகவல் அறிந்து வந்த வடபொன்பரப்பி போலீசார் மறியலில் ஈடுபட்டவர்களிடம் பேச்சுவார்த்தை நடத்தியதைத் தொடர்ந்து, 7:00 மணியளவில் அனைவரும் கலைந்து சென்றனர். இதனால், அப்பகுதியில் பரபரப்பு நிலவியது.