அவர் விடுத்த செய்திகுறிப்பு:

விளையாட்டு மேம்பாட்டு ஆணையம் சார்பில், மாவட்ட அளவிலான கோடைக் கால பயிற்சி முகாம் நடக்கிறது. வரும் 25 ம் தேதி முதல் மே 15 ம் தேதி வரை 21 நாட்களுக்கு காலை 6:30 மணி முதல் 8.30 மணி வரையும், மாலை 4:30 மணி முதல் 6:30 மணி வரையும் நடக்க உள்ளது.

இதில் தியாகதுருகம் அரசு ஆண்கள் மேல்நிலைப் பள்ளியில் தடகளம், கபடி, கைப்பந்து, டேக்வாண்டோ ஆகிய விளையாட்டுகளுக்கும், சின்னசேலம், அரசு ஆண்கள் மேல்நிலைப் பள்ளியில் கால்பந்து விளையாட்டிற்கும் பயிற்சி நடக்கிறது.

இதில் பள்ளி, கல்லுாரியில் பயிலும் மாணவ-மாணவியர் மற்றும் மாணவர்கள் அல்லாத, 18 வயதிற்கு உட்பட்ட இளைஞர்களும் கலந்து கொள்ளலாம். கலந்து கொள்ளும் அனைவருக்கும் பங்கு பெற்றதற்கான சான்றிதழ் வழங்கப்படும். வரும் 25 ம் தேதி காலை 6:00 மணி முதல், பயிற்சி நடக்கும் இடத்திற்கு நேரில் சென்று பெயர்களை பதிவு செய்து கொள்ள வேண்டும்.

மேலும் விவரங்களுக்கு 7401703474 என்ற எண்ணில் தொடர்பு கொள்ளலாம். இவ்வாறு அவர் தெரிவித்துள்ளார்.