கள்ளக்குறிச்சி : கச்சிராயபாளையம் அடுத்த அம்மாபேட்டை முத்துமாரியம்மன் கோவிலில், நேற்று முன்தினம் இரவு பூஜை முடித்து பூசாரி பூங்கொடி,60; கோவிலை பூட்டிச் சென்றார். நேற்று காலை பூஜை செய்வதற்காக கோவிலை திறந்த போது, உண்டியல் உடைத்து காணிக்கை பணம் திருடப்பட்டு இருப்பதை கண்டு அதிர்ச்சி அடைந்தார். இது குறித்து போலீசுக்கு தகவல் தெரிவிக்கப்பட்டது. உண்டியலில் ரூ. 30 ஆயிரம் காணிக்கை இருந்திருக்கும் என தெரிவிக்கப்பட்டது. கச்சிராயபாளையம் போலீசார் சம்பவ இடத்தில் விசாரணை மேற்கொண்டனர். கைரேகை நிபுணர் ராஜவேல் தடயங்களை சேகரித்தார். இது குறித்து கோவில் நிர்வாகி பாலு, 63; அளித்த புகாரின் பேரில் போலீசார் வழக்கு பதிந்து விசாரிக்கின்றனர்.