கள்ளக்குறிச்சி அண்ணாநகரை சேர்ந்தவர் சேவியப்பன் மகன் செந்தில்குமார்,52; தனியார் தொலைக்காட்சி செய்தியாளர். இவர் கடந்த 12ம் தேதி இரவு 7:45 மணியளவில் வீட்டிற்கு பைக்கில் சென்றார்.

அண்ணா நகர் பஸ்நிறுத்தம் அருகே சென்றபோது, மோ.வன்னஞ்சூர் பெரியசாமி மகன் செல்வகுமார்,40; வழிமறித்து செந்தில்குமாரை ஆபாசமாக திட்டி, கொலைமிரட்டல் விடுத்தார்.

புகாரின் பேரில் கள்ளக்குறிச்சி போலீசார் வழக்கு பதிந்து, செல்வகுமாரை கைது செய்தனர்.