கள்ளக்குறிச்சி சப்-இன்ஸ்பெக்டர் பரிமளா மற்றும் போலீசார் நேற்று ரோந்து பணியில் ஈடுபட்டனர். அப்போது, விளாந்தாங்கல் ரோடு பகுதியை சேர்ந்த அழகுராஜன் மகன் முத்துக்கனி, 56; என்பவர் அரசால் தடை செய்யப்பட்ட குட்கா பொருட்களை விற்பனைக்காக கடையில் வைத்திருந்தது தெரிந்தது. இதையடுத்து, போலீசார் முத்துக்கனியை கைது செய்து விசாரித்தனர்.

அதில், விளாந்தாங்கல் ரோடு பகுதியில் உள்ள கிருஷ்ணன் மகன் பரணி, 37; என்பவரிடமிருந்து குட்கா பொருட்களை வாங்கியதாக முத்துக்கனி தெரிவித்தார். இதையடுத்து, பரணியையும் போலீசார் கைது செய்தனர். மொத்தமாக ரூ.2,850 மதிப்புள்ள ஹான்ஸ், விமல் மற்றும் வி1 டுபாக்கோ உள்ளிட்ட குட்கா பொருட்கள், டி.வி.எஸ்., மொபட் மற்றும் சுசுகி ஸ்கூட்டி ஆகியவை பறிமுதல் செய்யப்பட்டது.