சங்கராபுரம் சப் இன்ஸ்பெக்டர் தனசேகரன் மற்றும் போலீசார் நேற்று காலை விரியூர் ஏரிக்கரை பகுதியில், ரோந்து சென்றனர். அப்போது, இரு நாட்டு துப்பாக்கிகளுடன் அங்கிருந்த வாலிபரை பிடித்து விசாரித்தனர். போலீசார் விசாரைணயில் அவர் அதே ஊரை சேர்ந்த சூசைநாதன் மகன் அந்தோணிராஜ்,28; என்பதும், காப்பு காடுகளில் வன விலங்குகளை வேட்டையாடுவதற்கு துப்பாக்கிகளை வைத்திருந்ததும் தெரிந்தது.

அவர் மீது வழக்கு பதிந்து கைது செய்த போலீசார், அவரிடமிருந்து 2 நாட்டு துப்பாக்கிகள், அதில் பயன்படுத்தும் 50 கிராம் கருப்பு வெடிமருந்து மற்றும் 50 கிராம் பாஸ்பரஸ் உள்ளிட்டவற்றை பறிமுதல் செய்தனர்.