சங்கராபுரம் அடுத்த செல்லம்பட்டு கிராமத்தில் மதுபாட்டில் விற்பனை செய்வதாக போலீசாருக்கு தகவல் கிடைத்தது. அதன்பேரில் சப் இன்ஸ்பெக்டர் தனசேகர் மற்றும் போலீசார் நேற்று காலை அப்பகுதியில் சோதனை செய்தனர். அதில் கூத்தன் மகன் உதயகுமார்,30; தனது வீட்டின் அருகே மதுபாட்டில் பதுக்கி வைத்து விற்பனை செய்தது தெரிந்தது. இதனையடுத்து போலீசார் 8 குவார்ட்டர் மதுபாட்டில்களை பறிமுதல் செய்து, உதயகுமாரை கைது செய்தனர்.