கள்ளக்குறிச்சி அடுத்த மோகூர் கிராமத்தை சேர்ந்த குமார் மகன் குணா,21; இவர் கடந்த ஒராண்டாக தனியார் நிதி நிறுவனத்தில் பணிபுரிந்து வந்தார். கடந்த 6 மாதத்திற்கு முன்பு கிரிக்கெட் விளையாடும் போது தவறி கீழே விழுந்ததில் வயிற்றில் அடிபட்டது.

இதனால் அவருக்கு அவ்வப்போது வயிற்று வலி ஏற்பட்டது. இந்நிலையில் நேற்று முன்தினம் இரவு 9:00 மணிக்கு வயிற்று வலி அதிகமானதால் வயலுக்கு அடிக்கும் பூச்சிக்கொல்லி மருந்தினை குடித்தார்.

குடும்பத்தினர் அவரை மீட்டு கள்ளக்குறிச்சி அரசு மருத்துவமனையில் சேர்த்து, மேல்சிகிச்சைக்காக சேலம் அரசு மருத்துவமனையில் சேர்த்தனர். அங்கு சிகிச்சை பலனின்றி நேற்று காலை 9:30 மணிக்கு இறந்தார்.

கள்ளக்குறிச்சி போலீசார் வழக்கு பதிந்து விசாரித்து வருகின்றனர்.