இக்கோவிலில் 2 கோடி ரூபாய்க்கு மேல் திருப்பணி செய்யப்பட்டு கடந்த பிப்., மாதம் 26ம் தேதி கும்பாபிஷேகம் விமரிசையாக நடந்தது. இந்நிலையில் இக்கோவிலில் உள்ள குதிரை நேற்று, குட்டியை ஈன்றது.

இதுகுறித்து, காஞ்சிபுரம் அஷ்டபுஜ பெருமாள் கோவில் அறங்காவலர் சந்தோஷ்குமார் கூறியதாவது:

சென்னையைச் சேர்ந்த பெருமாள் பக்தரான பொறியாளர் ஜெயபிரகாஷ் என்பவர், கடந்த பிப்., 23ம் தேதி, அஷ்டபுஜ பெருமாள் கோவிலுக்கு, பெண் குதிரை ஒன்றை தானமாக வழங்கினார். அந்த குதிரைக்கு புஷ்பா என, பெயர் சூட்டப்பட்டது.

இந்நிலையில் புஷ்பா குதிரை நேற்று, அதிகாலை 2:00 மணிக்கு குட்டியை ஈன்றது. கால்நடை மருத்துவர்கள் பரிசோதனை செய்து, தாய் குதிரையும், குட்டியும் நலமுடன் இருப்பதாக தெரிவித்தனர்.

ரோகிணி நட்சத்திரத்தில் பிறந்த பெண் குதிரை குட்டிக்கு, ரோகிணி என்ற பெயர் சூட்டி உள்ளோம்.

இவ்வாறு அவர் கூறினார்.