கனரக வாகன போக்குரவத்து அதிகம் உள்ள இந்த சாலையில் ஏற்படும் போக்குவரத்து நெரிசலை தவிர்க்கும் வகையில், சென்னை -- கன்னியாகுமாரி தொழிற்தட திட்டத்தின் கீழ், 11 மீட்டர் அகலத்திற்கு சாலை விரிவாக்கம் செய்யப்பட்டு, சாலையோரம் மழைநீர் வடிகால்வாய் அமைக்கும் பணி நடந்து வருகிறது.

இதில், உதயமாங்குளம் பிரதான சாலை குறுக்கிடும் இடத்தில், 100 மீட்டருக்கு மேல் வடிகால்வாய் கட்டுமானப் பணி விடுபட்டு இருந்தது. இதனால், மழைநீர் கால்வாய் வாயிலாக வெளியேறுவதில் சிக்கல் ஏற்படும் சூழல் உள்ளது.

எனவே, உதயமாங்குளம் பிரதான சாலையோரம் விடுபட்ட இடத்தில் மழைநீர் வடிகால்வாய் கட்டுமானப் பணியை விரைந்து முடிக்க வேண்டும் என, கோரிக்கை எழுந்தது.

இதுகுறித்து, நம் நாளிதழில் வெளியான செய்தியை தொடர்ந்து, நெடுஞ்சாலைத் துறையின் சார்பில், உதயமாங்குளம் பிரதான சாலையின் குறுக்கே விடுபட்ட இடத்தில், கால்வாய் கட்டுமானப் பணி துவக்கப்பட்டு பணி தீவிரமாக நடந்து வருகிறது.