காஞ்சிபுரம் மாநகராட்சி சார்பில், குழாய் உடைப்பு ஏற்பட்ட பகுதியில் பள்ளம் தோண்டி, கடந்த மாதம் சீரமைத்தனர். ஆனால், ஒரு மாதமாகியும் பள்ளம் தோண்டிய இடத்தை முறையாக தார் ஊற்றி சாலையை சீரமைக்கவில்லை.

இதனால், சாலை சேதமடைந்த பகுதியில், வாகன போக்குவரத்துக்கு இடையூறு ஏற்பட்டது. இருசக்கர வாகன ஓட்டிகள் நிலைதடுமாறி விழுந்து விபத்தில் சிக்கினர்.

இதனால், சேதமடைந்த சாலையை சீரமைக்க, மாநகராட்சி நிர்வாகம் நடவடிக்கை எடுக்க வேண்டும் என, வாகன ஓட்டிகள் வலியுறுத்தினர். இருப்பினும், மாநகராட்சி நிர்வாகம் சாலையை சீரமைக்க ஒரு மாதமாக எந்தவித நடவடிக்கையும் எடுக்கவில்லை.

இந்நிலையில், குடிநீர் குழாய் சீரமைப்புக்காக, மாநகராட்சி ஊழியர்கள் சேதப்படுத்திய சாலையை, நெடுஞ்சாலைத் துறையினர் நேற்று தார் கலவை வாயிலாக சீரமைத்தனர்.