மாநில அளவிலான ஓபன் ஹாக்கி போட்டி, திருநெல்வேலியில் கடந்த 23ல் துவங்கி, நேற்று முன்தினம் மாலை நிறைவடைந்தது.

இதில், பல்வேறு மாவட்டங்களில் இருந்து கல்லுாரி, கிளப் அணிகள் பங்கேற்றன. அரையிறுதியில், சென்னை எஸ்.ஆர்.எம்., அணி, 4 - 1 என்ற கோல் கணக்கில் தமிழக போலீஸ் அணியை வீழ்த்தியது.

விறுவிறுப்பான இறுதிப்போட்டியில், சென்னை எஸ்.ஆர்.எம்., - நெல்லை எஸ்.டி.சி., அகாடமி அணிகள் பலப்பரீட்சை நடத்தின.

இதில் 3 - 2 என்ற கோல் கணக்கில் எஸ்.ஆர்.எம்., அணி வெற்றி பெற்று, முதலிடத்தை பிடித்து சாம்பியன் கோப்பையை வென்றது.