போட்டியில், சென்னை, கடலுார், மதுரை, சேலம், சிவகங்கை, திருச்சி, திருப்பூர் மற்றும் திருவள்ளூர் என, எட்டு அணிகள் பங்கேற்றன. அணிகள் 'ஏ' மற்றும் 'பி' என, இருபிரிவாக பிரித்து, 'லீக்' முறையில் மோதி அரையிறுதிக்கு தகுதி பெற்றள்ளன.

நேற்று முன்தினம் மாலை நடந்த இறுதிப் போட்டியில், சென்னை மற்றும் சேலம் அணிகள் பலப்பரீட்சை நடத்தின.போட்டி துவங்கி முதலாவது நிமிடத்திலேயே, சேலம் வீராங்கனை தீபா முதல் கோல் அடித்து ஆட்டத்தை துவங்கினார்.

அதன்பின், சென்னை அணி அதிரடியான ஆட்டத்தை வெளிப்படுத்தி, அடுத்தடுத்த நிமிடங்களில் கிடைக்கும் வாய்ப்புகளை கோல்களாக மாற்றியது.

முடிவில், 6 - 1 என்ற கோல் கணக்கில், சென்னை அணி வெற்றி பெற்றது. அணியின் வீராங்கனை சுபலட்சுமி, நந்தினி, அக்ஷதா, பிரிசியா மற்றும் ஜோதிலட்சுமி ஆகியோர் தலா ஒரு கோல் அடித்து வெற்றிக்கு உதவினர். வெற்றி பெற்ற சென்னை அணிக்கு, கோப்பை மற்றும் பரிசுகள் வழங்கப்பட்டன.