இதையடுத்து கோவிலை புதுப்பித்து கும்பாபிஷேகம் நடத்த ஹிந்து சமய அறநிலையத் துறையினர் முடிவு செய்தனர். அதன்படி, கடந்த பிப்., 23ல் பாலாலயம் நடந்தது. இந்நிலையில், 80 லட்சம் ரூபாய் செலவில் பல்வேறு திருப்பணிகள் சமீபத்தில் முடிக்கப்பட்டன.

கும்பாபிஷேகத்தையொட்டி, நேற்று காலை 9:00 மணிக்கு விக்னேஸ்வர பூஜையுடன் யாகசாலை பூஜை துவங்கியது. இன்று காலை 9:00 மணிக்கு இரண்டாம் கால வேள்வி நடக்கிறது. மாலை 6:00 மணக்கு முனைவர் காவாந்தண்டலம் பழனி குழுவினரின் வில்லிசை நிகழ்ச்சி நடைபெறுகிறது.

நாளை காலை 6:00 மணிக்கு நான்காம் கால யாகசாலை வேள்வியும், காலை 9:15 மணிக்கு கோவில் கோபுர விமானத்திற்கும், தொடர்ந்து மூலவருக்கும் புனிதநீர் ஊற்றப்பட்டு கும்பாபிஷேகம் நடத்தப்படுகிறது. மதியம் 12:00 மணிக்கு மஷா அபிஷேகமும், இரவு 7:00 மணிக்கு கற்பக விநாயகர் வீதியுலாவும் நடக்கிறது.