இந்நிலையில், துணை சுகாதார நிலையத்தில் போதிய கழிப்பறை வசதி இல்லாமல் இருந்தது. எனவே, அப்பகுதியில் சமுதாய கழிப்பறை அமைக்க பொதுமக்கள் கோரிக்கை விடுத்தனர்.

அதன்படி, 2023 --- 24ம் நிதி ஆண்டில், 15வது நிதிக்குழு மானிய திட்டத்தின்கீழ், 3.5 லட்சம் ரூபாய் செலவில், புதிய சமுதாய கழிப்பறை கட்டப்பட்டு பயன்பாட்டில் இருந்தது.

இந்த சமுதாய கழிப்பறை அருகே மதுப்பிரியர்கள் அமர்ந்து மது அருந்திவிட்டு பாட்டில்களை அங்கேயே போட்டு உடைத்து செல்வது தொடர்ந்து நடந்து வந்தது.

இதனால், சமுதாய கழிப்பறை ஆறு மாதத்திற்கு மேலாக பூட்டிய நிலையிலே இருப்பதாக அப்பகுதிவாசிகள் தெரிவிக்கின்றனர். துணை சுகாதார நிலையத்திற்கு வருவோர், சமுதாய கழிப்பறையை பயன்படுத்த முடியாமல் சிரமத்திற்கு உள்ளாகி வருகின்றனர்.

எனவே, பூட்டி கிடக்கும் சமுதாய கழிப்பறையை திறக்க, துறை அதிகாரிகள் நடவடிக்கை எடுக்க, பகுதிவாசிகள் கோரிக்கை விடுத்துள்ளனர்.