அதன்படி, தமிழ் புத்தாண்டு தினமான நேற்று, காஞ்சிபுரம் ஒன்றியம், விப்பேடு ஊராட்சி, குண்டுகுளத்தில் உள்ள மூவேந்தர் நகர், இருளர் குடியிருப்பில், வேம்பு, புங்கன், நீர்மருது, பூவரசன் உள்ளிட்ட மரக்கன்றுகள் நடவு செய்தனர். கீழம்பி, கீழ்கதிர்பூர் சாலையோரம் பனை விதைகள் விதைக்கப்பட்டன.

கோடை வெயிலின் தாக்கம் அதிகமாக உள்ளதால், சித்திரை மாதம் முழுதும் சாலையோரம் வசிக்கும் ஆதரவற்றோர் மற்றும் முதியோருக்கு நீர்மோர் வழங்க முடிவு செய்யப்பட்டு, சித்திரை முதல் தேதியான நேற்று, காஞ்சிபுரம் பல்வேறு வீதியில் சாலையோரம் வசிப்போருக்கு நீர்மோர் வழங்கினர்.