ஆண்டுதோறும் வடகிழக்கு பருவமழையின்போது மாநகராட்சி நிர்வாகம் சார்பில், இக்கால்வாய் துார்வாரப்பட்டு வருகிறது. இந்நிலையில், ரயில்வே சாலையில், மஞ்சள்நீர் கால்வாய் குறுக்கிடும் இடத்தில் கட்டப்பட்டுள்ள சிறுபாலத்தின் சுவரில் அரசமர செடிகள் வளர்ந்துள்ளன.

இச்செடிகள் வேர்கள் வேரூன்றி வளர்வதால், சுவரில் விரிசல் ஏற்பட்டுள்ளது. நாளடைவில், சிறுபாலம் முழுதும் வலுவிழுக்கும் அபாயம் உள்ளது. எனவே, மஞ்சள்நீர் கால்வாய் சிறுபாலத்தின் சுவரில் வளரும் அரச மரச்செடிகளை அகற்றி, விரிசல் ஏற்பட்டுள்ள பகுதியை சீரமைக்க, மாநகராட்சி நிர்வாகம் நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்துள்ளனர்.