திடீரென ஏற்படும் மின்னழுத்ததால், வீட்டில் உள்ள டி.வி., மிக்சி, மின்விசிறி, கிரைண்டர், மின் மோட்டார், ஏசி, ப்ரிஷஜ் உள்ளிட்ட மின்சாதன பொருட்கள் பழுதாகின்றன.

இரவு நேரங்களில் ஏற்படும் மின் அழுத்தம் காரணமாக, குழந்தைகள், வயதானோர் என, அனைவரும் காற்று வசதி காற்று இல்லாமல், துாக்கமின்றி தவித்து வருகின்றனர்.

அதேபோல, வைப்பூர் ஊராட்சிக்குட்பட்ட 6வது வார்டு, வஞ்சுவாஞ்சேரி அண்ணாநகரில் 150க்கும் மேற்பட்ட வீடுகள் உள்ளன. ஊராட்சி நிர்வாகம் சார்பில், மேல்நிலை நீர்த்தேக்க தொட்டியில் வாயிலாக பொதுமக்களுக்கு குடிநீர் வினியோகம் செய்யப்படுகிறது.

தற்போது, அடிக்கடி ஏற்படும் மின் அழுத்தத்தால், மின் மோட்டார்கள் பழுதாகிறது. இதனால், பொதுமக்கள் குடிநீர் இன்றி, கடைகளில் அதிக விலை கொடுத்து, தண்ணீர் கேன் வாங்கி குடித்து வருகின்றனர்.

எனவே, படப்பை மின்வாரிய அதிகாரிகள், இங்கு ஏற்படும் மின் பற்றாக்குறையை போக்க, இப்பகுதியில், புதிய மின்மாற்றி அமைத்து தர வேண்டும் என, அப்பகுதியினர் எதிர்பார்க்கின்றனர்.