தற்போது, காஞ்சிபுரம் - பரமேஸ்வரமங்கலம் வரை விரிவுபடுத்தும் பணி இறுதி கட்டத்தை எட்டியுள்ளது. இதுதவிர, தார் அமைக்காத சாலையோரம் எம்.சாண்ட் கொட்டி, பேவர் பிளாக் கற்களை அடுக்கி சாலையின் இருபுறமும் அழகுபடுத்தி வருகின்றனர்.

இதையடுத்து, காஞ்சிபுரம் - அரக்கோணம் சாலையோரம், 10,200 மரக்கன்றுகளை பெரியகரும்பூர், செம்பரம்பாக்கம், ஊவேரி, வெள்ளைகேட்- சித்தேரி தாங்கல் ஆகிய பகுதிகளில் உள்ள சாலையோரத்தில் மரச்செடிகள் நடப்பட்டுள்ளன.

கோடைக்காலத்தில், செடிகள் கருகிவிடக் கூடாது என, காலை மற்றும் மாலை நேரங்களில், டிராக்டர்கள் வாயிலாக தண்ணீர் பாய்ச்சப்படுகிறது.

இதன் மூலமாக, செடிகள் பசுமையாக இருக்கிறது என, சாலை விரிவாக்க பணியாளர்கள் மகிழ்ச்சியுடன் தெரிவித்தனர்.