பள்ளி கல்லுாரி மாணவ- - மாணவியர் தடகளம், ஜூடோ, இறகுபந்து, டென்னிஸ், வாள்வீச்சு உள்ளிட்ட பல்வேறு விளையாட்டு போட்டிகளில் பயிற்சி பெற தினமும் நுாற்றுகணக்கானோர் வந்து செல்கின்றனர்.

மாணவ- - மாணவியர் அதிகளவு வந்து செல்லும் மாவட்ட விளையாட்டு அரங்கில், இரவு நேர செக்யூரிட்டி மட்டுமே பணியில் உள்ளார்.

ஆனால், பகல் நேர செக்யூரிட்டி பணியிடம் காலியாக உள்ளதால், விளையாட்டு அரங்கிற்குள் விளையாட்டு வீரர், வீராங்கனையர் தவிர வெளிநபர்களும் மாவட்ட அரங்கத்திற்குள் அத்துமீறி நுழைந்து சமூக விரோத செயல்களில் ஈடுபடும் சூழல் உள்ளது.

மேலும், மாவட்ட விளையாட்டு அரங்கிற்கு பல்வேறு பயிற்சிக்காக வந்து செல்லும் பள்ளி, கல்லுாரி மாணவியர், வீராங்கனையரின் பாதுகாப்பும் கேள்விக்குறியாகும் நிலை உள்ளது.

எனவே, காஞ்சிபுரம் மாவட்ட விளையாட்டு அரங்கிற்கு, பகல் நேர செக்யூரிட்டி நியமிக்க, மாவட்ட நிர்வாகம் நடவடிக்கை எடுக்க வேண்டும் என, கோரிக்கை எழுந்துள்ளது.