முறையான பராமரிப்பு இல்லாததால், குளத்தில் செடி, கொடிகள் புதர்போல மண்டி இருந்தது. இதன் காரணமாக, தெப்போற்சம் நடத்தப்படவில்லை.

இரு ஆண்டுகளுக்கு முன் பெய்த பலத்த மழையின்போது, குளத்தின் சுற்றுச்சுவர் இடிந்து விழுந்தது.

இதனால், குளக்கரை சாலை வழியாக செல்லும் வாகன ஓட்டிகள், பாதசாரிகள் குளத்திற்குள் தவறி விழாமல் இருக்க தடுப்பு அமைக்கப்பட்டது.

இதை தொடர்ந்து, குளத்தை துார்வாரி, சுற்றுச்சுவர் அமைத்து சீரமைக்க நடவடிக்கை எடுக்க வேண்டும் என, கோரிக்கை எழுந்தது.

இந்நிலையில், சிங்கபெருமாள் கோவில் குளத்தை சீரமைக்க, தமிழக அரசு 57.20 லட்சம் ரூபாய் ஒதுக்கீடு செய்தது. தற்போது, கோவில் தெப்பக்குளம் முழுமையாக துார்வாரப்பட்டு, குளத்திற்கு சுற்றுச்சுவர் அமைக்கும் பணி தீவிரமாக நடந்து வருகிறது.