வாகன போக்குவரத்து அதிகம் உள்ள இச்சாலையில், செவிலிமேடு ஏரிக்கரை ஒட்டியுள்ள பகுதியில், மழை காரணமாக மண்அரிப்பு ஏற்பட்டு சாலையோரம் பள்ளம் ஏற்பட்டுள்ளது.

புறவழி சாலை என்பதால், வேகமாக செல்லும் இருசக்கர வாகன ஓட்டிகள், கனரக வாகனத்திற்கு வழிவிட சாலையோரம் ஒதுங்கும்போது, நிலைதடுமாறி பள்ளத்தில் தவறி விழுந்து விபத்தில் சிக்குகின்றனர்.

எனவே, செவிலிமேடு ஏரிக்கரை சாலையோர பள்ளத்தை சீரமைக்க நெடுஞ்சாலைத்துறையினர் நடவடிக்கை எடுக்க வேண்டும் என, இருசக்கர வாகன ஓட்டிகள் வலியுறுத்தியுள்ளனர்.