அந்தவகையில் 67ம் ஆண்டிற்கான விளையாட்டு போட்டிகள், நந்தனத்தில் உள்ள ஒய்.எம்.சி.ஏ., கல்லுாரி வளாகத்தில் நேற்று துவங்கின.

இதில், சென்னை,காஞ்சிபுரம், திருவள்ளூர் உட்பட பல்வேறு மாவட்டங்களைச் சேர்ந்த, 5,000க்கும் மேற்பட்ட பள்ளி, கல்லுாரி மாணவ - மாணவியர் பங்கேற்றுஉள்ளனர்.

அதில், தடகளம், வில்வித்தை, பூப்பந்து, இறகுபந்து, கூடைப்பந்து, கைப்பந்து, குத்துச்சண்டை, கிரிக்கெட், ஹேண்ட்பால், ஹாக்கி, கபடி, கோ- - கோ, டென்னிஸ், எறிபந்துஉள்ளிட்ட 18 வகையான போட்டிகள் நடக்கின்றன.

ஒய்.எம்.சி.ஏ.,வின் சென்னை மண்டல கல்லுா ரியின் கல்வி இணை இயக்குனர் சுடர்கொடி, கல்லுாரியின் முதல்வர் ஜான்சன் பிரேம்குமார் உள்ளிட்டோர் போட்டியைதுவக்கி வைத்தனர்.

இதில், நேற்று காலை நடந்த கல்லுாரிகளுக்கானடென்னிஸ் போட்டியில், லயோலா அணி 6 - 3 என்ற புள்ளிக்கணக்கில் சென்னை வி.ஐ.டி., அணியை வீழ்த்தியது. பள்ளிகளுக்கான வாலிபால் போட்டியில், மாணவர் பிரிவில், ஆவடி வேலம்மாள் பள்ளி 24 - 21 என்ற கணக்கில் ஒய் எம்.சி.ஏ., பள்ளியை தோற்கடித்தது.

பள்ளிகளுக்கு மட்டும் நடத்தப்பட்ட தடகளப் போட்டியில், 20க்கும் மேற்பட்ட பள்ளிகளில் இருந்து, மாணவ - மாணவியர் பங்கேற்று திறமையை வெளிப்படுத்தி வருகின்றனர்.