இந்த குளத்தை, 2019- -- 20ம் நிதி ஆண்டில், மஹாத்மா காந்தி தேசிய ஊரக வேலை வாய்ப்பு உறுதியளிப்பு திட்டத்தின் கீழ், 3.40 லட்ச ரூபாய் செலவில் குளத்தை சுற்றிலும் கற்கள் பதித்துள்ளனர்.

‛டானாவை' போல ஒரு பகுதியில் மட்டுமே, கற்கள் பதிக்கப்பட்டு உள்ளன. குளத்தின் மேற்கு பகுதியில், கற்கள் பதிக்கவில்லை. இதனால், சீமைக் கருவேல மரங்கள் புதர் மண்டிக் கிடக்கின்றன. மேலும், தண்ணீர் சேகரமாவதில் சிக்கல் ஏற்பட்டு உள்ளது.

எனவே, புதர் மண்டிக் கிடக்கும் குளத்தை துார்வாரி, மற்றொரு பகுதியில் கற்களை பதித்து, சிமென்ட் பூச்சு பூச வேண்டும் என, வளத்துார் மக்கள் இடையே கோரிக்கை எழுந்துள்ளது.