இங்கு, ஆண்டுதோறும் சித்திரை மாத உத்திர நட்சத்திர தினத்தன்று, பர்வதவர்த்தினி சமேத ராமலிங்கேஸ்வரருக்கு, திருக்கல்யாண உற்சவம் நடைபெறும்.

நடப்பாண்டின் திருக்கல்யாண உற்சவ வைபவத்தை முன்னிட்டு, நேற்று முன்தினம் காலை சிறப்பு அபிஷேகம் நடந்தது.

மாலை 6:00 மணி அளவில் சீயமங்கலம் பேட்டையில் இருந்து, கல்யாண சீர்வரிசை புறப்பட்டு சென்றது.

அதைத் தொடர்ந்து, இரவு 8:00 மணிக்கு திருக்கல்யாண உற்சவ வைபவம் நடந்தது. மணக்கோலத்துடன் இடப வாகனத்தில் ராமலிங்கேஸ்வரர் எழுந்தருளி பக்தர்களுக்கு அருள்பாலித்தார்.