இக்கோவிலை புதுப்பித்து கும்பாபிஷேகம் நடத்த, ஹிந்து சமய அறநிலையத் துறையினர் நடவடிக்கை எடுக்க வேண்டும் என, பக்தர்கள் வலியுறுத்தி வந்தனர். இதையடுத்து, 1 லட்சத்து 43,000 ரூபாய் செலவில் பல்வேறு திருப்பணிகளுடன் இரு கோவில்களும் புதுப்பிக்கப்பட்டன.

கும்பாபிஷேகத்தையொட்டி, நாளை மாலை 6:00 மணிக்கு அனுக்ஞை, விக்னேஸ்வர பூஜை உள்ளிட்டவையும், 5ம் தேதி மாலை 5:00 மணிக்கு அங்குரார்பணம், ரஷாபந்தனம், யாகசாலை உள்ளிட்டவையும் நடக்கின்றன.

வரும் 6ம் தேதி, காலை 6:15 மணிக்கு விமான கும்பாபிஷேகமும், காலை 6:40 மணிக்கு விநாயகர் சன்னிதி கும்பாபிஷேகமும், காலை 9:00 மணிக்கு மஹா அபிஷேகமும் நடக்கிறது.

கும்பாபிஷேகத்திற்கான ஏற்பாட்டை கோவில் செயல் அலுவலர் கதிரவன், கோவில் பணியாளர்கள், பக்தர்கள், திருப்பணி உபயதாரர்கள் உள்ளிட்டோர் இணைந்து செய்து வருகின்றனர்.