காஞ்சிபுரம் சர்வதீர்த்த கிழக்கு கரையில் அனுமந்தீஸ்வரர், யோகலிங்கேஸ்வர் கோவிலில் உள்ள வீர ஆஞ்சநேய சுவாமிக்கு, அனுமன் ஜெயந்தி விழா வரும் 11ல் நடக்கிறது.

விழாவையொட்டி, மாலை 4:30 மணிக்கு ஆஞ்சநேயருக்கு சிறப்பு அபிஷேக அலங்காரம் மற்றும் மஹா தீபாராதனை உள்ளிட்டவை நடக்கிறது.

இதேபோல், காஞ்சிபுரம் -- செங்கல்பட்டு சாலை முத்தியால்பேட்டையில் உள்ள பிரசன்ன ஆஞ்சநேய சுவாமிக்கு, சிறப்பு அபிஷேக அலங்காரம் மற்றும் மஹா தீபாராதனை நடக்கிறது.

சின்ன காஞ்சிபுரம் யதோக்தகாரி கோவில் பின்புறம், திருவள்ளுவர் தெருவில் உள்ள ஆஞ்சநேயருக்கு, காலை 7:00 மணிக்கு சிறப்பு அபிஷேகமும், காலை 11:45 மணிக்கு, வெண்ணெய் காப்பு அலங்காரமும் நடக்கிறது.